大約大半年前一日, 肥柴突然著拖鞋返工, 咁正路大家都會問下佢啦. 佢話 '哦~ 係呀我俾D嘜嘢嘜嘢 dup 親隻腳趾公.' 跟住第二日又見佢包住兩隻腳喎. '哎呀~ 你又做嘜嘢呀?' '係呀我就住一邊行, 咁我又太重所以連呢邊都整親呀!' '吓! 咁你小心啲喇! 咦! 你呢枝亞伯拐杖攞邊個咖?' '哦~ 我老豆唔知响邊度攞番嚟咖!' '吓! 咁都得呀!' 過咗兩日就點木成金, 枝亞伯拐杖變咗支行山金屬手杖喎. '嗱~ 呢支好好多! 你對腳點呀? 有無睇醫生咖? 好心你唔好周圍行啦! ' '係哦係哦, 好好多喇!' 對住你講嘅時候係眼又矇鼻又嗡咀又痴埋上嚟. 總之係 '酸梅乾超人' 咁樣, 但佢係同你笑緊喎!
日復日, 月復月, 但肥柴都仲係包住一對腳喎. NJ 都叫佢唔好周圍行, 有需要就可以叫人幫佢, 但佢都係鍾意行嚟行去. 咁都算喇. 奇就奇在佢係睇咩跌打呢? 咁耐都睇唔好嘅, 仲要一啲 '除' 都無喎. 咁都唔緊要喇. 對腳敷藥敷幾個月又唔爛喎. 幾個月斷咗都好番啦! 咁都唔係重點, 最犀利係以佢咁嘅身型 '堅持' 拐咗大半年, 佢對腳都未斷吖嘛! 仲要係佢對腳係响公司範圍先會復發咖. 返工對佢嚟講一定好大壓力喇~ 同事都一定俾咗太多壓力佢, 因為你哋關心佢嘛. 成鬼日問候佢喎. 見到你哋佢對腳又會即刻痛番喇! 其實都幾慘咖.
就係大約一個月前啦, 肥鴨返工嘅時間就响公司大廈正門見到神蹟呀~ 佢見到肥柴健步如飛咁追 lift 呀. 好神奇呀! 佢終於好番啦! 
全站熱搜
留言列表
