轉眼 '紅腸' 就走咗三個月喇. 唔係放病假都無時間 update 佢啲嘢潻. 咁一定有啲甩漏喇, 但大部份都好攪笑, 實在唔捨得唔同你哋分享呀. 知情嘅就忍受下啦, 要照顧下啲舊友嘛. 或者有嘜嘢錯咗要話番俾我知喎~~
話說月頭我就要出單, 咁二千幾張通常兩個人一齊做三幾日攪掂啦. 咁啱要加埋 '菇高' 啲嘢一齊寄, 於是班 '營業組大哥' 就一齊摺喇, 咁當然好快就攪掂啦. 點知 '紅腸' 第二日突然問 '亞吉' '點呀, 啲信摺晒未呀? ' '唔知喎, 你問肥鴨啦!' 咁當然佢唔敢問我啦. 原來佢有啲 '開心大發現' 呀! 咁再晏啲我就 print 咗啲 reminder 出嚟叫 '亞域' 幫我一齊摺啦. '紅腸' 一聽到有嘢摺就即刻好興奮走埋去 '亞域' 度同佢講咗一堆嘢. '亞域' 又同佢講咗啲嘢. 後尾我問番原來係關於一部 '摺信機' 呀! 佢諗到個方法摺信係好快好方便咖~~ (佢話) 當然佢有向啲高層發表啦. 唉~~ 我哋大家係正常人就梗係覺得唔 work 啦. 可惜宜家已經無 '集體創作組' , 唔係就可以畫番個靚圖俾你哋睇喇~~ 
全站熱搜
留言列表
