我哋係大公司嘛, 咁梗係好多生意啦. 而且又做埋維修保養, 咁每個月都會出好多單嘅. 就因為太多單關係, 所以有啲單係唔會入 file 直接用條繩 (打十字) 扎住佢就算. 咁其實問題都唔大嘅, 但唔知點解 '蛋散' 係唔會拆開條繩搵嘢. 永遠都係就咁抽份單出嚟. 攪攪下啲單就俾佢整到'梅'晒啦. 抽得幾份條繩又'梅'晒啦, 攪攪下成舊磚就散晒喇. 因為佢好衰咖, 永遠只係攞, 係唔會放番轉頭喎. 用完就擺出嚟等 '叻叻' file 囉. 咁佢又唔係只係摷一兩份嘛, 咁成個櫃啲嘢就攪到 '梅菜' 咁喇. 仲會成日頂住隻門攪到開關都有問題潻.
佢仲有樣嘢賤格, 就係鍾意賴人. 永遠都唔係佢錯喎.
例一 : 有一次佢要 '肥鴨' 同佢 confirm 一單嘢, 咁中過佢幾劑仲信佢咩. 搵完手頭上嘅嘢, 就再搵佢d單啦. (其實佢係應該 check 咗先問 '肥鴨' 嘅) 但唔知點解係唔見咗果個 boxfile 喎. 因為佢d嘢係唔會順序放咖, 左邊個櫃有再要隔多兩個櫃先再搵到其他咖. 佢唔會自己執又唔會叫 '叻叻' 幫佢執喎. 又唔知點解佢日日都搵單, 但永遠都唔記得邊個櫃放嘜. 逐個鐵櫃俾佢開過晒好似拆樓咁. 溫柔d又唔得喎. 唉! 果日 '肥鴨' 搵唔到份單就梗係同佢講啦. 佢又係好似洗腦咁逐個櫃摷啦. 搵咗幾個字. '係喎! 真係無咗喎!' 啤~~~~~~ '咁點呀?' '唔知呀!' 咁 '肥鴨' 就梗係唔理佢啦. 到第二日佢應該又搵同一單嘢 (因為佢好似搵緊同一個 file), 又拆櫃半個鐘啦. 跟住又唔出聲好似無事發生喎. 到第三日, '肥鴨, 我果日問你單嘢點呀?' '吓! 米就係搵唔到個 file 囉! 點覆你呀!' '...... 哦! 咁好啦!' (待續)
全站熱搜
留言列表
