話說紅腸佢無聊或者諗嘢嘅時候佢就會响樹發出 '度度' 聲, 仲係 '度度..度度..度度' 其實佢嚟咗無幾耐我就發現呢個問題. 咁開頭都無為意嘅, 後尾發現情況越嚟越嚴重. 咁响上個月尾嗰個禮拜六 (9/29) 我就忍唔住喇, 決定佢 '度' 一下我就 '摺' 一下. 由 4:30 直到佢走 8:09 , 佢一共 '度' 咗 44 次呀! 佢嘅 '度度' 紀錄如下: 10/2 17次, 10/3 15 次, 10/4 19 次, 10/5 4 次, 10/8 35次 (係截止6:30 我塞住耳仔後嗰兩個半鐘我當自己聾嘅) 到今日 (九號) 直到下晝4:35 係6 次, 但我決定唔忍佢喇. ' 紅腸呀, 你可唔可以唔再發出 '度度' 聲呀? ' ' 好呀! 不過可能唔係一時間忍到喎! ' ' 好吖! 總之你自己控制下啦! 因為真係好騷擾囉! ' ' 咁你有無嘜嘢 idea 吖 ! ' ' 呵 ! 無喎! 你咁大個人自己控制下囉! 唔係咁騷擾我都費事話你呀 ! 我諗我要諗嘅嘢唔少得過你囉 ! ' ' 但我 promise 唔到你喎 ...' ' 得嫁 ! 我明白你自己可能無為意, 但我話你聽你係好噪囉 ! ' ' 我呢 ............ ' ' 好 ! 得喇 ! 總之你自己控制下啦 ! ' 跟住我已經唔再答佢喇 ! 過咗唔夠半個鐘佢又 '度' 喎, 不過佢一 '度' 自己就即刻打咗下冷震咁. 而呢幾日都 '度' 少好多咯 ! 又由於呢兩日我好多時都坐咗去肥雞個位, 所以基本上同紅腸係零交流嫁 ! 同佢好似講唔過十句囉 ! 當堂成個世界唔同晒, 雖然好忙但好開心呀 ! 
Cheng Zita 發表在 痞客邦 留言(0) 人氣()
紅腸語錄又返嚟喇! 話說 CS 請咗個 Part-time, 紅腸要開個 login 同其他嘢俾佢啦. ' 開機密碼唔係咁重要, 我開其他嘢俾你先啦! ' ' 吓 ! 哦 ! 好呀 ! ' 如是者就開咗個組合複雜, 成架地鐵咁長嘅 password. 咁最終當然係用唔到嫁啦 ! 最後就叫 Part-time 俾佢已經入過後改咗嘅 password 佢 . ' 你放心啦, 我好快唔記得嫁 ! ' ' 哦 ~~ 無所謂 ~~ ' 攪咗一輪後就去咗 Part-time 個位啦. ' 其實讀書叻嘅人呢, 係唔會理周圍嘅嘢嫁 ! 其他人呢就係為咗拍拖啦, 玩啦. ......................... 我就唔會啦, 身邊嘅嘢呢我就唔理嫁 ............' 過咗一陣見 Part-time 無反應啦 ' 咦 ~~ 點解你唔答我嘅 ? ' ' 哦 ~~ 我讀書唔叻嘛, 咁我米掛住留意周圍嘅嘢囉 ! ' ' ?!?!?!?!?!?! ' 又過咗一陣啦, 咁佢又同 Part-time 講 ' 你睇下個 password 駛唔駛用一排就改咗佢啦 ! ' ' 吓 ! 點解呀 ? ' ' 哦 ! 你個 password 太易記喇, 我已經記得喇 ! ' 頂 ! 又話好快唔記得 ! 轉頭又即刻話 ' 你唔駛擔心, 我要睇嘅嘢比你多好多嫁! 你個 password 對我嚟講都係無嘜用嫁 ! ' ' 哦 ! 係呀 ! 係呀! ' 
Cheng Zita 發表在 痞客邦 留言(1) 人氣()
茄子咁快俾我 K.O. 咗! 唉 ... 我會努力頂住嫁 ! 而十月五日係一個 ' 雞日 ' 同聚餐嘅大好日子, 所以 ' 紅腸語錄 ' 繼續停一日. 尋晚啲炸彈掟來掟去好恐怖呀, 不過我覺得各主人家要多謝我哋幫你哋安排咗一個咁好嘅機會, 幫你哋慳咗錢同時間, 咁我份人情係唔係可以減啲呢? 跟住仲跟咗 ' 雞團 ' 去咗飲嘢, 我好少去嫁嘛 ! 俾足面你哋喇 ! 宜家好眼瞓呀! 唔講喇 ! 
Cheng Zita 發表在 痞客邦 留言(1) 人氣()
今日好似無同紅腸有直接對話 (雖然都聽到佢大話西遊) , 所以今日無特別嘢 update 囉. 不過你哋放心啦, 我一定會繼續報導! 
Cheng Zita 發表在 痞客邦 留言(1) 人氣()
今日紅腸好認真咁拎晒紙筆行埋我位喎. ' 肥鴨, 唔好意思, 我想問你啲嘢. ' ' 哦 ... 問嘜呀. ' ' 我想問下關於 CIS 同 OSS 嘅問題呀! 係唔係 CIS 同 OSS 都係分 Residential 同 Commercial 嫁 ? ' 你無嘢呀~~ 考我呀! 問啲咁嘅嘢! ' 你想問嘜嘢嫁 ? ' ' 我想問 ........ (重複問題喎)' 真係忍唔住 ' 你唔係呀! 你 e 家仲問我啲咁嘅嘢! ' ' hehe, 係呀! ' 嘩! 咁厚顏無恥嘅~~ ' 唉 ... 咁你知唔知邊個用 CIS 呀? ' ' 知~~ 最裡面嗰班吖嘛! ' ' 唉! 咁邊個用CIS呀? ' ' 你吖嘛! 你出單啦! 你 .............. (下刪數十字) ' 我個下巴跌到落心口啦! ' 唉~~ 好啦. 我係咁椅同你講一次啦! ' ' 好呀好呀! (加上狗頭笑容超樣衰) ' ' OSS 係 PON 嘅.........分 Residential 同 Commercial , 咁 Res ..... Com.......... (大概介紹) , 你明唔明呀? ' ' 哦~~ 明呀! ' ' 咁CIS 係 PSI 嘅 system , 咁 project, sales, cs 好多同事都有用嫁! ..........' ' 哦~~ 但嘜嘢係 PSI 呀?? ' ' 吓! 你問我嘜嘢係PSI? ' ' 係呀!' 我當堂個下巴跌到落地啦! ' 你竟然問我嘜嘢係 PSI ? ' 我仲要專登好大聲問喎, 咁大家就開始鴉雀無聲啦! ' 係呀! (好誠懇下喎) ' 咁啱我亞 SIR 就坐响我後面, 於是我就擰轉頭叫佢解釋俾紅腸聽啦. ' 你俾張卡片佢囉! ' ' 亞 SIR, 我無卡片喎! 你幫我做咗卡片我先俾佢啦! ' 吓! 頂個肺都唔夠要頂埋佢個腎! 仲唔醒目喎! ' 咁即係點呀? ' 左右隔離都已經忍唔住响樹笑喇! ' 哦 ~~ 關於呢個問題羊生好清楚嫁, 你去問佢佢好樂意同你解釋嫁! ' 左右隔離已經笑死晒喇 ! 
Cheng Zita 發表在 痞客邦 留言(3) 人氣()
今日開始要努力對付紅腸, 佢真係唔好迫我, 唔係我真係發癲嫁!
Cheng Zita 發表在 痞客邦 留言(0) 人氣()
今日紅腸返工我都不知幾唔開心, 佢無端端又問我嘢喎. ' 肥鴨, 你會唔會响外國用 charger charge 電呀? ' ' ??? 嘜呀? ' ' 例如電話咁囉! ' ' 吓! 無電都要叉嫁啦! 又要睇下去幾多日囉! 去兩三日兩舊電都夠用啦! ' '但好似話啲電壓好唔穩定囉. 咁去完 travel 返嚟好多時都係會壞囉! ' ' 哦 ~~ 咁我好少去 travel 嘛! 而且都好似無試過壞囉! ' '咁好似大陸 ............' 我唔再睬佢米收聲囉!
跟住隔咗一排佢又發音喎, '肥鴨呀, are you sure 今晚係唔係有得睇 Paris Hilton 上 David Letterman 個 show 呀? ' ' 吓! 我唔知喎! 兩個我都無興趣喎! ' 'Channel four 喎! Late Show with David Letterman 大衛牙擦騷喎! Paris Hilton ............' ' 我唔知喎! ' 'Paris Hilton! Hilton, 係間酒店... ' 我實在忍唔住喇. ' 咁我知! 都話無興趣咯! ' 跟住我就黑埋塊面唔再睬佢喇.
又過咗一排我見佢拎咗隻杯向水機方向行啦. 點知行番轉頭行埋去棵樹度喎! 佢正想倒落去 ... 咁我即刻喝止住佢啦! ' 你做嘜呀, 你想倒落去呀! ' '我杯水 pure 嫁.' 'pure? 嘜嘢叫pure 呀! 你飲水喉水嫁? 植物唔可以淋蒸餾水嫁! 你想淋死佢呀! 去厠所倒啦! ' 真係癡 X 線 !
PS . 我都知我喝止佢嘅時候嚇到肥仔東成個彈起, 在此心感抱歉!! 但我實在等咗呢個機會好耐喇! 我知你會諒解我嘅!
Cheng Zita 發表在 痞客邦 留言(0) 人氣()
成個禮拜被 XX 攪到我想死, 亞 Sir 仲叫我教佢幫我做某啲我未做嘅嘢喎! 我即刻強烈反對啦! 佢自己嘢都未攪得掂! 我呢幾日教佢做嘢都已經無做過我自己啲嘢喇! 無記性你米寫底囉, 但係連最基本嘅嘢都唔識喎! 我諗教個無經驗嘅可能會簡單啲潻呀! 真係攪到我好攰呀! 
Cheng Zita 發表在 痞客邦 留言(0) 人氣()
我個私家 Blog 已經突破四萬人次大關喇. 兩年時間話長唔長. 四萬相對於好多人嘅 '私家地' 其實都唔算多, 可能係人家一個月/幾日嘅數字咋! 不過我都好多謝自己可以堅持咗差唔多兩年時間 (無論打 Blog 定呢份工) . Blog 我應該會繼續打, 至於呢份工 ...... 我鍾意追劇集. 我想追埋落去, 睇下個大結局. 
Cheng Zita 發表在 痞客邦 留言(2) 人氣()
頭先响公司夜闌人靜嘅時候, 又有啲怪聲呀! 仲係响某一個位發生嫁. 不過响邊個位我就唔講喇. 嘿..嘿.. 但跟住我發現出現咗一啲奇蹟呀! 咁我當然又唔會話俾你哋知嘜嘢奇蹟啦. 費事嚇親你哋呀! 呵...呵...
Cheng Zita 發表在 痞客邦 留言(1) 人氣()
其實'拍拍'真係好邪嫁, 話說喬遷入嚟嘅時候, 有好多同事發生唔同程度嘅意外. 而小女子啱啱嚟做嘅時候都病足3個月. 要知道小女子過去嘅10年, 所請嘅病假係唔多過1個禮拜嫁. 而小病都係絕少嘅. 唉! 但當你捱得過哩3個月就即係你捱得啦. 跟住就會做到隻dog咁喇. 而唔見咗幾日嘅'龜女'以為佢已經無做啦. 原來係視網膜脫落放咗假喎. 唉......
Cheng Zita 發表在 痞客邦 留言(0) 人氣()
Cheng Zita 發表在 痞客邦 留言(2) 人氣()
