超人就梗係我啦! 一個人做兩個人嘢 (係齋做 PON, PSI 我已經全放棄喇) 呢幾日都係坐响樹入數再入數. 所以都未得閒嚟 update 呀. 但今日肥鴨食咗藥要早啲 '交交豬' , '紅腸回憶錄' 同 ' 肥鴨噴火日記' 就要聽日(盡量啦)開始喇 !
目前分類：未分類文章 (52)
- Jan 15 Tue 2008 23:36
超人
- Jan 06 Sun 2008 17:10
踢腸行動 - 成功!!!
攪咗成個月都攪唔掂個 blog 喎, 問完 Microsoft 都攪唔掂. 後尾又話無問題, 今日即管試下, 又真係 ok 喎! 唉.. 我已經將紅腸最後一個禮拜嘅事唔記得晒喇. 宜家再講好似好無謂, 但有啲又真係好攪笑囉. 我盡量記番話啲你哋知啦. 有興趣就睇下啦!
10 號嗰日紅腸攪咗單大嘢. 所以佢即日就俾人 '烹' 走. 但就賴底咗個屎坑俾我哋填. 超級屎坑喎, 又大又臭. 每日都唔夠時間追番之前啲嘢. 做到今時今日成個月都未完呀. 激死人呀. 
- Jan 05 Sat 2008 09:51
Windows Live Spaces Test
Windows Live Spaces Test
- Nov 30 Fri 2007 00:54
紅腸語錄 - 十一月廿八日
尋日朝 (星期三) 紅腸一返到嚟就捉住 '亞吉' 問佢, ' 其實呢公司 ?x?x?x?x?x ' ' 咁你米申請調位囉! ' ' 唔係 ~ 其實呢邊個 ?x?x?x?x ' ' 唔知咖喎! ' 嘜呀? 兩個講嘜呀? ' 都話有需要你米申請調位囉 ! ' ' 我唔係咁嘅意思, 係我病極都好, 想知邊個傳染我啫! ' 唉~ 啲人蠢連病都遲鈍過人, 之前全公司惹來惹去個個都病過晒. 宜家大家都好似好得七七八八, 佢先學人病, 咳到甩肺. 仲話人傳染佢, 你話佢係唔係白痴吖.
- Nov 26 Mon 2007 16:04
中傷
頭先'紅腸' 同 '威廉' 講我中傷佢呀! 佢呢啲 '西人' 我懷疑佢都唔知明唔明嘜嘢係中傷. 跟住 '超超' 就好順手指下檯面份頭條叫我小心啲喎. 我望下原來係 '蜘蛛狂魔' 呀. 望真啲原來同 '紅腸' 都真係有幾分相似咖. 
- Nov 23 Fri 2007 11:55
起高牆
為免我衰格嘅眼尾 '目及' 到隔離隻嘢, 我已經決定起幅 '實' 牆响側邊. '實牆' 嘅意思係唔會俾佢少, 係點都要堆到佢一定高度. 務求佢 '目及' 唔到我, 我啤唔到佢. 總之避免我眼火爆. 隻 '老鳳' 都無咁討我厭, 而呢隻嘢有幾多條命都唔夠佢死 !
- Nov 22 Thu 2007 20:45
紅腸語錄 - 十一月廿二日
宜家已經係八點幾喇, 我仲趕緊嘢未走得. 隻紅腸頭先應該落咗街食嘢. 佢一返嚟我即刻塞番隻耳仔啦, 我係嗰隻聽歌打機都會塞住耳仔嘅人. 但唔會好大聲囉. 一來為咗自己對耳仔, 二來係有公德啲囉 ( 我覺得 ). 其實其他人講嘢我都聽得好清楚嘅, 係唔想同紅腸講嘢俾佢煩啫. 入番正題, 佢頭先又開始 '度度' 喇. 佢呢排都 '度' 多咗, 而今晚仲過份到好多次, 好大聲, 仲持續好耐潻. 我大概忍咗佢大半個鐘, 終於忍唔住問佢, ' 你係唔係見我塞住隻耳仔就當我聽唔到呀 ! ' 佢竟然好堅決咁答我 ' 係 ! ' 請大家怒我粗魯 , 你個死扑街吖! 有無攪 X 錯呀, 撩交打呀 ! 我當時真係想擔張凳去車爆佢個頭 ! 但奈何走剩佢同我兩個, 如果有嘜事我無證人嘛 ! 如果多一個人响樹我就送咗佢歸西 ! 你哋唔駛落手嫁, 做我人證得喇 ! 
- Nov 21 Wed 2007 00:55
日理 '四' 機
紅腸除咗佢部電腦外, 仲帶多部 notebook 返嚟用喎. 佢個 post 用兩部機我都唔覺得有問題, 如果 '市場 K' 唔返嚟佢就會用埋佢部機. 咁都算啦. 佢仲會開埋 '公子' 部機. 成鬼日都唔知做嘜 testing. 啲 system 慢又話唔關佢事. 又經常阻住我哋 '亞域' 問呢樣, 試嗰樣, 今晚仲叫佢等部機唔知 run 完嘜嘢就幫佢熄機. 俾我知道再有下次睇下我點對你嗱 ~~
- Nov 18 Sun 2007 01:12
她 n 他約我哋去廸士尼 - 16 November 2007
尋晚去咗占占佢哋嘅盛大婚宴, 多謝你哋俾呢個機會我呀! 個場真係好靚呀, 相影咗唔算好多, 但仲整理緊, 請大家耐心等待. 而無去嘅朋友請更耐心等候主人家嘅官方照片喇. 
- Nov 06 Tue 2007 01:54
Selfish Sausage
上個禮拜紅腸已經想執自己個位, 今日一返嚟佢就開始行動喇. 話說佢檯底一向都有卷新嘅 '傑油大卷' 嘅, 咁佢一返嚟就攞住卷 '傑油' 走埋去新同事 '紀子' 個位 (因為之前佢個位擺咗條 '藍花大卷' 嘛). 唔知同人講咗啲嘜啦, 不過我估佢係想換咗人側邊卷 '藍花' 囉. 跟住可能 '紀子' 叫佢拎走哂兩卷 '大卷' , 咁佢就唯有攞晒兩卷 '大卷' 返埋位. 蝦 ! 佢轉頭將卷 '傑油' 俾咗 '亞域' 喎, 另外卷 '藍花' 就放番响檯底. 我隨即就攞番俾佢, ' 紅腸呀, 你自己用啦. 亞域有嫁喇. ' ' 我唔要嫁, 俾佢用啦 ! ' ' 唔駛啦, 佢有喇, 要用佢米自己去攞囉 ! ' ' 我唔要嫁喎! ' ' 唔要就唔好攞番嚟啦 ! ' ' 呢卷唔係我攞嫁喎! ' 我知吖, 呢兩行啲 '大卷' 係我攞嘅! ' 你唔要就放番出去啦, 有人要嫁嘛! ' ' ...... 咁我擺番去邊呀? ' ' 你放番去雪柜頂個柜啦 ! ' ' 咁 specific 呀 ! ' ' 係呀, 唔係我驚你唔知邊度喎! 吖... 你嗰卷都唔用嫁啦, 你放埋出去啦 ! ' 跟住佢就當聽唔到, 無拎番卷 '藍花' 出去. 過咗一陣 ' 市場K ' 又要攞 '大卷' , 咁我指引咗佢, 但我突然醒起 '市場K' 應該係唔夠高攞嫁, 咁我就即係快步走出去啦. 我又諗起紅腸都唔係好高啫, 佢點放番卷 '大卷' 上去呢? 謎底好快就被解開, 我發現卷 '傑油' 响上面嗰格呀, 肯定佢係'dum' 上去嫁. 老老實實話唔知卷 '大卷' 乾唔乾淨直頭送落垃圾桶未算囉, 賤賤格格咁換俾人. 正賤人 !
- Nov 04 Sun 2007 22:45
偶像
今個禮拜新同事 ' 市場K ' 返工, 第一日就有機會同紅腸交手喇. 佢第二日已經同某人講對咗紅腸一日已經好沮喪. 如是者過咗幾日, ' 市場K ' 就跟咗啲大哥大姐出咗去見客啦. 返嚟後紅腸就問佢, ' 點呀? 啲客點呀? O 唔OK 呀? ' ' 唔知嫁 ! 睇下點囉 ! ' ' ... 係咩...... ' 跟住 ' 市場K ' 都已經唔係好想同佢講嘢. 星期五紅腸又去唔知煩佢啲嘜喎, 咁第一次 ' 市場K ' 就係咁椅打發佢啦. 過咗一陣, 紅腸突然醒起啲嘢又走去問 ' 市場K ' . ' 呀, 我想話你可唔可以..' ' 唔得 ! 我啱啱諗到啲嘢, 你唔好問我嘢! ' ' 唔係喎, 好快咋 ! ' ' 我啱啱諗到啲嘢呀, 唔好嘈住我呀 ! ' ' ... 我... ' ' 唔該 ! 唔好阻住我思考呀! ' 跟住紅腸企咗一陣好無奈咁返位喇. 嘩 ! 原來咁都得嫁 ! 下次我識做喇 ! 
- Oct 29 Mon 2007 13:48
忙裡偷閑
我星期六終於有時間去睇 ' Hero ' 喇, 無諗過要遲咁多先去睇囉. 久利生同雨宮仍然吸引, 加上其他腳色帶出火花. 李秉憲就無謂啲囉, 出得嗰兩場. 如果你哋都諗住睇嘅話, 就記住睇咗特別篇先去喇, 即係早排三色台做嗰套呢. 唔係就會唔係好明佢講嘜喇. 我就一早睇咗等睇電影版, 好彩都無令我失望 .
- Oct 21 Sun 2007 14:28
新玩具用後報告
件新玩具玩咗 10 日喇, 總評都係 OK 嘅. 平均兩日叉一次電, 比起以前就梗係叉多咗啦, 但個 display 大咁多係嘥電啲嘅. 最唔好係部機認唔到 sim card 啲電話, 要經 outlook 轉過去喎. 但好衰唔衰我原本部機啲嘢轉唔到去 outlook , 唉 ... 幾十個電話自己逐個入囉, 不過成機 filter 下啲電話都好嘅. 而另一個問題係部機叉完電入完歌部 PC 個 iTunes 係會 hang 咗囉, 係一定會 hang 喎. 而其他嘢都幾好玩喎, 影相都幾靚, 係夜晚無閃光就差啲囉. 暫時各方面都可以接受嘅.
- Oct 21 Sun 2007 13:18
紅腸語錄 - 十月十八日
本應星期五寫嘅嘢, 俾紅腸攪到我好嬲所以今日先有得出呀!
- Oct 18 Thu 2007 14:35
紅腸語錄 - 十月十八日
PRINTER 續篇
今朝亞 sir 就問我部 printer 整成點, 咁我就話佢知我哋最終做咗器官移植但都仲係污糟, 晏啲我會再研究抺下佢啦 ! 跟住紅腸又發音囉喎, ' 我問過啲响 HP 做嘅同學, 佢話可能係 calibration 嘅問題喎 !' ' 關咩 calibration 事呀 ! ' '佢哋話有可能嫁, ........ ! ' 其實部機係個碌有啲碳粉响上面咁出嚟啲紙就有 '達' 嘢之嘛. 咁我抺完之後試機就 jam 紙喎. 再發現原來有啲嘢斷咗, 咁我哋攪攪下就換埋佢喇 ! 跟本就唔關嘜嘢 calibration 事. ' 哦 ...... 咁呀, 咁你識唔識 calibration 吖 ! ' ' 哦 ...... 我啲同學係咁講啫, 可能係呢個問題. ' ' 咁你識唔識整吖! ' 係囉, 你話係呢個問題你米整囉 ...... ' ' 係我啲同學 ...... ' ' 我哋係問緊你識唔識吖嘛 ! ' ' ......... ' 我同亞 sir 就唔再同佢講嘢喇 ! 
- Oct 18 Thu 2007 01:20
紅腸語錄 - 十月十七日
各位聽眾你哋好, 又係廢嗡語錄 呀! 唔係係紅腸語錄嘅時間喇 ! 話說早兩日紅腸又突然問我喎 ' 呀 ! 肥鴨呀, 我想問下邊個係' 易拎' 呀 ? MAK 喎! ' ' 嘜呀! '易拎' 喎 ! 裡面個靚女喎 ! ' ' 唔...... 唔知喎! ' ' 嘜呀 ! 嗰日你同佢講咗一輪嗰喎! ' ' ...... 有咩? ' ' 吓 ! 我發覺你認人都幾差喎! ' ' 其實靚女嘅嘢呢...' ' 我知, 我明 ! 見人見智嘛 ! ' ' 咁一分又有, 兩分又有 ......' ' 得! 我明嫁 ! 但係好似無第二個你係用全英文同佢講嘢囉 ! ' ' 其實 ... ' ' 得喇 ! 總之係裡面嗰個啦 ! ' 頂 ! 認人差就認人差啦 ! 又唔認!
