續上回 - 條蛋散搵唔到個 file, 但始終都係要覆人咖嘛. 唔知點解佢神推鬼擁搵到入 '船船' 房喎, 跟住就拎番晒三個 file 出嚟啦. '肥鴨, 搵番喇~ 响船船房度呀~' '哦~ 好吖唔該!' 於是後尾我就搵機會同船船講啦, '老闆~ 你下次唔好攞走咁多 file 啦, 我搵左幾日呀!!''吓! 係蛋散攞入嚟咖喎!果日我叫佢搵張單, 佢搵極都搵唔到, 我見佢 d 嘢又亂糟糟, 米叫佢攞 d file 我自己搵攞~~' 
咁我明白喇! 條友仔自己攞左去邊都唔記得, 仲諗住屈老細 ?!?! 第二日我趁 '船船' 出嚟洗杯飲水, 我就同蛋散講, '蛋散呀~ 下次呢, 你攞左 d file 俾老闆就出聲啦, 等我周圍搵左幾日!!' '哎呀! 我唔知佢攞咁耐咖嘛!' 呢個時候, '船船' 就剛剛响佢背脊, '喂~ 咩呀~ 你自己攞入嚟俾我喎~ 你唔好賴我呀! 我無收埋咖!' 
Cheng Zita 發表在 痞客邦 留言(0) 人氣()
我哋係大公司嘛, 咁梗係好多生意啦. 而且又做埋維修保養, 咁每個月都會出好多單嘅. 就因為太多單關係, 所以有啲單係唔會入 file 直接用條繩 (打十字) 扎住佢就算. 咁其實問題都唔大嘅, 但唔知點解 '蛋散' 係唔會拆開條繩搵嘢. 永遠都係就咁抽份單出嚟. 攪攪下啲單就俾佢整到'梅'晒啦. 抽得幾份條繩又'梅'晒啦, 攪攪下成舊磚就散晒喇. 因為佢好衰咖, 永遠只係攞, 係唔會放番轉頭喎. 用完就擺出嚟等 '叻叻' file 囉. 咁佢又唔係只係摷一兩份嘛, 咁成個櫃啲嘢就攪到 '梅菜' 咁喇. 仲會成日頂住隻門攪到開關都有問題潻.
Cheng Zita 發表在 痞客邦 留言(0) 人氣()
放大假嗰個梗係唔係我啦, 係亞 Sir 呀. 死火啦, 啱啱先放咗兩日咋. 仲要捱成個禮拜呀. 對住我個 '高級同事' 命都短幾年, 佢都唔知嘜人嚟咖. Sir 同佢講嘅嘢好似全部都無講過喎. 嘜嘢都唔記得, 同佢講番佢真係無嘜印象喎. '哦! 你話係就係啦! ' 頂! 我無屈你喎. Sir 真係咁講嘛. 唔係一次兩次嘅事, 第三次我就忍住唔出聲喇. 總之你唔攪出大鑊嘢我都唔再出聲. 真係嬲得我吖. 有事你唔好問我呀, 我唔再理你喇. 
Cheng Zita 發表在 痞客邦 留言(0) 人氣()
唔一定有嘅春茗同不定期嘅吹水飯局已經完滿結束喇. 春茗方面就要多謝歡樂小姐(s) 為我哋準備咗咁多有心思嘅遊戲, 同埋通叔嘅緊張司儀演出. 其實我有幾次好想叫佢講個笑話嚟聽下咖, 不過見佢咁緊張算啦. 佢講笑話係米好叻? 我唔知呀. 我成日都聽到佢同丹山講 '等我講個笑話你聽吖! ... ... ... ... ... ...' 但我唔係好留意到丹山笑囉. 不過佢成日練習應該ok啩. 雖然我都無抽到獎, 不過都過咗一個開心嘅夜晚嘅. 而吹水飯局方面, 多謝各位俾面出席, 雖然餸菜比較細碟, 但相信大家都食得飽嘅. 最後就多謝 '集體創作組' 嘅大作, 你哋放心如無意外响你哋未有新作前佢會繼續留响鴨屋咖~
Cheng Zita 發表在 痞客邦 留言(0) 人氣()
都話呢樹有好多廢柴啦, 繼 '肥柴'後實在唔知講邊個先好. 但經過今日我就知講邊個先喇.
Cheng Zita 發表在 痞客邦 留言(0) 人氣()
話咁快又過年喇, 肥鴨祝大家壯健如牛, 八面玲瓏, 出入平安, 總之心想事就成啦! 
Cheng Zita 發表在 痞客邦 留言(0) 人氣()
承上回, 簡直係神蹟呀. 因為肥鴨自問都唔會咁追到 lift 啦. 同埋肥柴跛咗大半年喎, 點可以咁快呢 ? 為咗解開呢個 '謎' , 所以肥鴨就去搵肥柴問個究竟啦.
Cheng Zita 發表在 痞客邦 留言(0) 人氣()
大約大半年前一日, 肥柴突然著拖鞋返工, 咁正路大家都會問下佢啦. 佢話 '哦~ 係呀我俾D嘜嘢嘜嘢 dup 親隻腳趾公.' 跟住第二日又見佢包住兩隻腳喎. '哎呀~ 你又做嘜嘢呀?' '係呀我就住一邊行, 咁我又太重所以連呢邊都整親呀!' '吓! 咁你小心啲喇! 咦! 你呢枝亞伯拐杖攞邊個咖?' '哦~ 我老豆唔知响邊度攞番嚟咖!' '吓! 咁都得呀!' 過咗兩日就點木成金, 枝亞伯拐杖變咗支行山金屬手杖喎. '嗱~ 呢支好好多! 你對腳點呀? 有無睇醫生咖? 好心你唔好周圍行啦! ' '係哦係哦, 好好多喇!' 對住你講嘅時候係眼又矇鼻又嗡咀又痴埋上嚟. 總之係 '酸梅乾超人' 咁樣, 但佢係同你笑緊喎!
Cheng Zita 發表在 痞客邦 留言(0) 人氣()
栢記廢柴多都已經唔係秘密, 但近年就真係有幾件 '濕' 柴係可以攞獎嘅. '濕' 柴者 '濕滯' 到無人有. 做出嚟嘅嘢 '濕滯' , 就算行為都難頂 '濕滯'. 攞嚟 '啷' 腳都覺阻定. 今日就等我同你哋講下其中一件柴啦.
Cheng Zita 發表在 痞客邦 留言(0) 人氣()
話說上個禮拜有一日 '張丹山' 就病咗喎, 咁亞 Sir 行過 '東尼仔' 個位就同佢講咗啦. 嗱 ~ 係我條天線長收到啫, 咁我哋就當唔知啦. 如是者就一日喇喎. 無人再提起喇. 過咗兩日又輪到 '東尼仔' 病咗喎, 咁今次 Sir 就有行埋嚟同我講, 咁我即時 'O' 俾佢睇啦. 亞 Sir 就即時笑笑口同我講, '唔緊要啦, 就算佢哋三個病晒你都頂得住啦! ' 啤~ '係囉, 人哋就病得, 我就夜晚自己食藥攪掂佢呀~ 我都病呀. 你叫佢哋頂埋我啲嘢啦!' 有啲廢柴就應該早早消失啦. 咁辛苦成鬼日都病.
Cheng Zita 發表在 痞客邦 留言(0) 人氣()
尋日終於接番我部相機返屋企, 好彩無嘜事咋. 仲聽咗啲影燈飾嘅心得潻. 唔知到時識唔識用番出嚟呢 ? 跟住就行晒港島東嘅大型百貨公司, 但都無買啲嘜呀! 早知就去 '一田' 一轉啦. 
Cheng Zita 發表在 痞客邦 留言(0) 人氣()
話說我尋日放咗假, 我啲入數嘢都要做咖. 咁我同事 '丹山張' 就會幫我搞掂佢嘅. 今日一返嚟嘢都唔食就對下條數先啦. 都已經覺得唔係幾對路, 但係正常賽果無驚喜. 跟住佢俾番啲 copy 我仲同我講 '肥鴨, 我呢張唔識入呀!' 我心諗都好吖, 起碼我知你無入吖. 但點解都唔啱數嘅? 咁當然係逐條對啦. (好彩 15 張票啫)
Cheng Zita 發表在 痞客邦 留言(0) 人氣()
今日放咗一日假, 所以終於有機會拎部相機返去舊公司整. 經 '唔熟同事' 初部檢查, 佢竟然話係新症從未見過, 要詳細研究下. 後來有個師傅出嚟見到就話係重症, 好難搞嘅. 但當老師傅出嚟就話小事. 不過最終都係要放底 check 下, 佢哋仲話出咗新款叫我不如換咗佢. 唉 ~ 大哥, 宜家咁嘅時勢仲七千蚊買部相機 ! Cash is king!! 雖然又話高清又可插 16 G 卡. 但個款仍然都係一樣喎. 而且可能我學用大相機呢~ 睇下部機搞成點先算啦.
跟住又捉住個舊同事傾咗一大輪, 打攪晒~
Cheng Zita 發表在 痞客邦 留言(0) 人氣()
大老爺, 伸冤呀! 有無攪錯呀, 都差不多十一月啦. 點解 '六月' 會返轉頭咖. 簡直人都癲. 話說早兩日返工响樓下就見到 '六月' 喎, 佢失驚無神同我打招呼呀, 嘩! 當堂髮尾一陣涼. 我响樹做咗三年佢從來都無主動同我打招呼咖, 嚇得我吖. 我估佢唔係咁天真同傻, 諗住我會好熱情咁同佢扮熟呀~
Cheng Zita 發表在 痞客邦 留言(0) 人氣()
轉下眼一年又過去喇. 過去一年做過啲嘜呢 ? 接咗幾個炸彈啦~ 走咗唔知幾多人啦~ 但都唔知點解最應該走嘅始終仲响樹. 公司搬咗啦~ 對於我嚟講除咗交通費多咗外就係多咗好多位用, 但因為都係未有時間影相所以... ... 遲啲啦, 一定影嘅.
Cheng Zita 發表在 痞客邦 留言(0) 人氣()
公司終於都搬咗喇. 上個禮拜仲响樓下 '大榮華' 食咗餐入伙飯潻. 好彩我最最最唔鍾意嘅人(s) 無同我坐埋一枱啫. 我哋嗰枱就梗係食得開心食得放心啦, 但又因為咁我 miss 咗啲正嘢呀. 
話說原本我係諗住同 'O仔' 啲兄弟坐嘅, 點知 '粗口K' 同 '通叔'註 已經坐咗响樹喇. 咁我唯有叫啲姊妹俾個位我同 '天使長' 坐啦. 原來 '通叔'註 到嘅時候係問咗啲兄弟. '有無分部門, 有無分啲嘜咖?' 點知 'O仔' 嘅 '愛德華' 就同佢講 '有咖, 有分咖.' '通叔' 又問番佢喎 ' 咁你即係介意我坐落嚟啦!' '係咖! 係咖!' 死未~ 但呢餐飯先係啱啱開始啫. 之後 '通叔' 又問人喎. '其實男厠駛唔駛用鎖匙咖?' 咁啲兄弟就覺得奇怪喇. '我哋都搬咗嚟咁多日啦, 你無去過厠所咖?' '哦~我之前都係食 lunch 時去埋咖~' 原來條友 cheap 精嚟咖, 以前都係唔會配鎖匙咖. 跟住 '愛德華' 又出手喇, 佢好正經咁同佢講, '唔駛鎖匙咖, 你行埋去同隻門講 芝麻開門 就得咖喇!' 
註:原本我會稱呼佢為 '東尼叔' 但 '威爾遜' 話佢應該叫 '通叔' 喎, 都啱嘅, 因為佢同 '通縮' 一樣令人咁煩呀!
Cheng Zita 發表在 痞客邦 留言(0) 人氣()
轉眼 '紅腸' 就走咗三個月喇. 唔係放病假都無時間 update 佢啲嘢潻. 咁一定有啲甩漏喇, 但大部份都好攪笑, 實在唔捨得唔同你哋分享呀. 知情嘅就忍受下啦, 要照顧下啲舊友嘛. 或者有嘜嘢錯咗要話番俾我知喎~~
Cheng Zita 發表在 痞客邦 留言(0) 人氣()
講番去番禺嘅旅程, 星期六我 check 過天氣預測話得嗰 7-12 度. 咁我都係帶咗件厚啲嘅衫一條牛女褲就已經好似好多嘢喎. 去到車站見到團友 '甲乙丙丁' 我就覺得自己好誇張喇. 個個都係好似去街咁, 至多個袋係多少少嘢. 但去到皇崗過關嘅時候, 我就知我唔會後悔喇. 嘩! 癲癲哋咖, 差啲攪到我花容失色, 因為我唔係好鍾意凍咖. 唉~~ 原來沖涼個熱水又壞嘅, 花洒水力又慢. 不過價錢都算 ok , 啲馬戲, 動物園都抵去嘅. 米當去體驗生活囉. 而且係 '寒' 之嘛, 都唔凍 !!! 
Cheng Zita 發表在 痞客邦 留言(0) 人氣()
尋日亞sir同我講佢已經叫咗郁高唔駛再返工, 我只係好冷淡咁答咗佢一聲 '哦!' . 一來佢上個禮拜都已經同我講咗話唔要佢, 二來佢又唔係做我啲嘢, 關我鬼事呀! 而且亞小姐第一日已經同我講由佢屋企返公司好唔方便, 我心諗見工時已經知啦. 又覺得入數悶, 又嫌唔夠多樣化. 傻傻哋咖, 唔做就罷啦.
Cheng Zita 發表在 痞客邦 留言(0) 人氣()
自從亞域開始接手做 PSI 嘅嘢, 佢就完全無跟 PON 嘅嘢. 佢有日仲問我, '肥鴨呀, 你仲理唔理 PON 嘅嘢 ? ' 我聽完當堂火到嚟埋, '你有無倒轉咗啲嘢嚟講 ?! 係你仲理唔理 PON 嘅嘢而唔係我囉! 無人理嘅嘢我先跟啫!' 而佢至多都係聽下 Hotline 打嚟嘅電話, 追 refund 嘅就會叫我去跟. 如果其他嘢我就唔知佢有無去跟喇. 我只知道兩個禮拜每日要入一大堆嘅入數紙, 百幾張支票嘅數,仲要跟 Hotline 嘅 email. 之前原來佢入漏咗幾十張入數紙, 有啲又入錯咗, Hotline 啲人唔知就走去追客俾客投訴. 於是我又要去補入番晒. 咁當然亞 Sir 都有入錯嘢嘅.而新嚟嗰個姐姐 - 郁高, 做咗一個禮拜就問我, '我除咗做呢啲, 仲有嘜嘢做呀? ' '哦~~除咗呢啲都仲係呢啲囉! ' '吓! 好悶喇. 唔係要開單咩!' '吓, 咁你問下亞域同亞 sir, 睇下佢點安排俾你囉! '頂! 亞 sir 俾 PON 啲嘢你, 你又借頭借路唔做! 我得鬼閒理你呀 ! 
Cheng Zita 發表在 痞客邦 留言(0) 人氣()
